((حـــان الــتـوحــــد ))
شاعرة الصمود المجاهدة / وفيه العمري
إن جيتها صغـت القــوافي والاوزان
أهـديـتهــا رمـــز المحــبّــه بـيــــانـي
بــروزتــهــا بــرواز مـن ورد نيـســان
لبّستهــا قلـبـي وشــمــس الأمــــانـي
في وصفهــا إن جيت أوصف بإتقان
أتخيّـل ان الـمــوج يعــصـر كــيـانـي
أفـــرش لها روحي.. وبالقرب قــربان
أبني لـهـا في القلـب قصـر الحســـانِ
يا نبضـي المحفـور في كــل شــريــان
يـالحـــني المـمـزوج داخــل بـــنــانــي
ياعشـقــي المغــروس في جفن ولهـان
يا بــسمــة الشعب العظيم الــيـــمــاني
الـــواو وحده شامــخــه طول الازمان
يـسكـن سمــاهــا كل قـــاصـي ودانــي
والحـاء حلفت انّي على العهد ذي كــان
نهــجــي لأجلـك يا عظيمـه التــفـــانــي
والــدال دنــدن يا وطن وانشــد الـــدان
بـانحــمــي الــوحـده وباكـسـب رهـــاني
والــهــاء هذه وحـــدتي حب وجـــنــان
حـــبي لــهــا من قـبـل يُولـــد زمـــانــي
معشوقتي غنـت لــهــا الغيــد والـــبــان
وحصنــتــهــا بـالـصّـمـــد والـمــثـــانــي
وإلّا شــمــوخ المجـــد أقـبــل بإيــمــان
ورتـــّلتهـــا فـي الــــدمـــاء الــثــوانــي
أقبـلت انـا مـن كـل هيجـــاء ومـيـدان
مــن كـل عبــره جـرحـهـا قد سقـــانـي
مـن كــل فــارس في الـملمــات طـعّـان
من حــلــم بـيــن آمـال روحي طـوانـي
من طُهــر صنعــاء لا مــنــارات بيحــان
من كل شامخ حــر.. نشمـــي.. أتـــانـــي
مــن كـــل هــامـــه للكــرامــات عنــوان
أتـيــت أســـرج في فضاء عنــفــوانــي
حان التوحـد رغـــم ما كـــان قد حـــان
نكّـســر قـــرون الشيطـنــه ذي رمـــانـي
نـــداوي أوجـــاع الــتــفّــرق بـالأوطــان
داء التــفّـــــرق ذي بـحـقـــــده بـــغـــاني
أنـــا اليــمــن وأنـتم لـهــا ســور واركـــان
واللـــه بألــطــافـــه وجــــوده حــمـــانـي
وانا اليـمـن يشهـد (يهرعش )و (قحطان)
وانـــا الــتــي بالـحـســـن ربــي كـســـاني
وانــا لظــى قــاصــف وقــاهر وبــركــان
وانـــا الـــتــي نبـض المهـــابـه هــوانـي
وانـا الـمـسـيـر ذي حــرق كـل شـيـطــان
إسـأل دمــاء المـلـصـي وطـــه الـمـدانـي
واسـأل دم الـسـيـد حـسيـن الــذي صـان
أرض الـيـمـن فـي عــهــد حـقـده كـواني
يـا صـالـح الـصـمـــاد يـا خـيــر بــرهـــان
يـا روح تـســري فـي خــلايــا الـمـوانـي
خـسـران من بــاع الشرف ألف خـســران
وكـــل من خـــان الـــدّم الــحــر فـــانـي
شاعرة الصمود المجاهدة وفـيـةالــعمــري
